Fá eitt upplýsandi prát við fakfeløgini á Jobmatch um tíni rættindi og hvat tú skalt hugsa um sum nýggj/ur á arbeiðsmarknaðinum. Umboð fyri Starvsfelagið, Føroya Pedagogfelag og Akademikarafelag Føroya luttaka á Jobmatch.

Vit eru serfrøðingar í rættindum hjá løntakarum og vit veita hjálp og ráðgeving um løn og sáttmálaviðurskifti. Vit eru eisini serfrøðingar innan sáttmálar, reglur og lógir, sum umfevna alt arbeiðslívið.

Vit samráðast um løn og sáttmálar, og vit stríðast hvønn dag fyri okkara limir, tá trupulleikar og persónlig mál taka seg upp á arbeiðsplássunum.

Feløgini hava sáttmálar á bæði almenna og privata arbeiðsmarknaðinum, møguleiki er tí fyri at fáa breiða vegleiðing um hópin av starvsviðurskiftum. Vit kunnu eisini vísa til onnur fakfeløg, um spurningar eru um onnur sáttmálaøki.

Kom og heilsa uppá fakfeløgini til ársins Jobmatch í Norðurlandahúsinum mánadagin 30. desembur millum kl. 12 og 17. Básurin er ovast í stórhøllini við vindeyguni.