Veist tú hvat Akademikarafelagið er?

Akademikarafelag Føroya (AKF) er eitt yvirskipað samstarvsfelag fyri akademikarafeløg í Føroyum. Í løtuni eru hesi feløg limir: Arkitektafelagið, Byggifrøðingafelagið, Magistarafelagið, Verkfrøðingafelagið og Sálarfrøðingafelagið.

Fakfeløg, hvørs limir í minsta lagi hava bachelor – ella samsvarandi hægri, akademiska útbúgving, kunnu gerast limir í AKF. Aðalfundurin tekur avgerð um at taka nýggj limafeløg upp.

Einstaklingar kunnu ikki gerast limir í AKF. Einstaklingar skulu søkja um limaskap í avvarandi yrkisfelag.